ہمارے جسم میں کئی اقسام کے غدود پائے جاتے ہیں، جو مختلف کام سرانجام دیتے ہیں ان میں سے ایک اہم گلینڈ ''تھائی رائیڈ گلینڈ'' کہلاتا ہے، جو ہمارے گلے کے نچلے حصے میں موجود ہوتا ہے اور تتلی کی مانند دکھائی دیتا ہے، اس غدود کا بنیادی کام غذاؤں کے ذریعے حاصل ہونے والی توانائی کو کنٹرول کرنا ہے۔

تاہم اگر کسی بھی سبب تھائی رائیڈ گلینڈ کے افعال میں کوئی گڑبڑ ہو جائے تو مختلف اقسام کے امراض لاحق ہونے کے امکانات بڑھ جاتے ہیں، جبکہ عُمر بڑھنے کے ساتھ بھی تھائی رائیڈ گلینڈز کی کارکردگی متاثر ہو جاتی ہے، عام طور پر اس غدود کے غیر فعال ہونے کی 5 بنیادی علامات ظاہر ہوتی ہیں جن میں وزن بڑھنا، تھکاوٹ، ذہنی دباؤ، بدہضمی، مزاج میں اُتار چڑھاؤ چڑچڑا پن شامل ہیں۔

لیکن اب آپ مشہور ہربلسٹ ڈاکٹر بلقیس کی بتائی ہوئی صرف ایک چائے سے تھائی رائیڈ کنٹرول کر سکتے ہیں اس چائے کے استعمال سے آپ کی تھائی رائیڈ کی علامات ایک ایک کر کے ظاہر ہونا بند ہو جائیں گی اور تھائی رائیڈ کنٹرول ہو جائے گا، وہ کونسی چائے ہے؟ آیئے اسے بنانے کا طریقہ بھی جان لیتے ہیں۔

ہائپو تھائی رائید کم کرنے والی چائے

• اجزاء

پانی۔۔ 2 کپ

اسگندھ ناگور/ اشواگاندھا۔۔ 2 سے 3 ٹکڑے

ہلدی۔۔ آدھا چائے کا چمچ

گرین ٹی۔۔ ایک ٹی بیگ

• ترکیب

ایک پین میں 2 کپ پانی ڈالیں اس میں اسگندھ ناگوری کی 2 سے 3 لکڑی شامل کریں ساتھ ہی آدھا چائے کا چمچ ہلدی ڈالیں اور اتنا پکائیں کہ پانی ایک کپ رہ جائے، اب اس چائے کو چھان کر اس میں گرین ٹی کا ایک ٹی بیگ ڈالیں اور اس چائے کو دن میں 2 مرتبہ روزانہ گرما گرم پیئیں، اس چائے کے استعمال سے بڑھتا وزن رُک جائے گا اضافہ وزن تیزی سے کم ہوگا اور آپ کا ہائپو تھائی رائیڈ کنٹرول ہو جائے گا۔

ہائپر تھائی رائیڈ کم کرنے والی چائے

• اجزاء

پانی۔۔ 2 کپ

کالی مرچ۔۔ ایک کالی مرچ

السی کے بیج۔۔ ایک چمچ

سمبلو بوٹی۔۔ ایک ٹکڑا

ادرک۔۔ ایک چھوٹا سا ٹکڑا

• ترکیب

ایک پین میں 2 کپ پانی لیں اب اس میں کالی مرچ، السی کے بیج، سمبلو بوٹی، اور ادرک شامل کر کے اتنا پکائیں کہ پانی ایک کپ رہ جائے پھر اسے چھان کر اس میں ایک کھانے کا چمچ شہد شامل کریں اور پی لیں، اس چائے کا دن میں 2 مرتبہ روزانہ استعمال کریں، یہ چائے ہائپر تھائی رائیڈ کم کرنے اور تھائی رائیڈ گلینڈ کو ٹھیک کرنے کے لئے بہترین ہے۔