کراچی شہر سمیت ملک بھر کے مختلف حصوں میں شہریوں کو موسم سرما میں گیس کی غیر اعلانیہ لوڈ شیڈنگ کا سامنا کرنا پڑ رہا ہے۔ تاہم دن بھر گیس نہ ہونے اور بجلی سے چلنے والے مہنگے چولہوں سے پریشان افراد کیلئے ایک انتہائی بہترین اور سستا چولہا مارکیٹ میں دستیاب ہے۔ آج ہم آپ کو بتائیں گے کہ یہ چولہا کیسے کام کرتا ہے اور مارکیٹ میں آپ کو کتنے روپے تک باآسانی مل سکتا ہے۔

بغیر بجلی اور گیس سے چلنے والے اس چولہے کو استعمال کرنا بہت آسان ہے، دراصل اس میں ایندھن کے طور پر بایوماس بریکیٹس (Biomass Briquettes) استعمال کیے جاتے ہیں۔ جبکہ ایک کلو گرام بایوماس بریکیٹس کی قیمت صرف 40 روپے ہے جو کہ 1 گھنٹے تک چولہے کو جلائے رکھیں گے۔

اگر ان چولہوں کی قیمت کے حوالے سے بتایا جائے تو مارکیٹ میں مختلف ماڈل میں دستیاب ہیں، جن میں 10 ہزار سے لے کر 13 ہزار روپے کے درمیان آپ کو یہ چولہا باآسانی مل سکتا ہے۔

استعمال کرنے کا طریقہ

چولہے میں سب سے پہلے بایوماس بریکیٹس کو ایندھن کے طور پر ڈالا جاتا ہے، اس کے بعد اس میں تھوڑا سا مٹی کا تیل ڈال کر ایک منٹ تک جلنے کیلئے چھوڑ دیا جاتا ہے۔ تاہم ایک منٹ بعد پاؤر بینک سے منسلک پنکھا چلا دیا جاتا ہے۔ جس کے بعد آپ اس چولہے پر اپنے من پسند کھانے آرام سے پکا سکتے ہیں۔