مشہور سابقہ اداکارہ ثناء خان سے متاثر ہو کر ایک اور اداکارہ نے اس سوبز کی دنیا کو خیر باد کہہ دیا ہے۔
معروف ٹی وی شو بگ باس سے شہرت پانے والی اداکارہ مہہ جبین صدیقی نے حال ہی میں انسٹاگرام پر ایک پوسٹ شیئر کرتے ہوئے کہا ہے کہ 2 سال سے پریشان تھی کہ ایسا کیا کروں جس سے سکون مل سکے۔
تو بس پھر میں میں نے محسوس کیا کہ اپنی اصل زندگی کو بھلا کر میں دکھاوے کی زندگی جی رہی تھی۔
اور اللہ کی نا فرمانی کر کے انسان کو کبھی سکون نہیں ملا ہے یہی نہیں بلکہ لوگوں کو خوش کرنے کیلئے کچھ بھی کر لیا جائے لوگ آپ کی قدر نہیں کریں گے اس سے بہتر ہے آپ اپنے وقت کو اللہ کو خوش کرنے میں لگائیں۔
اس کے علاوہ مہہ جبین کا مزید یہ کہنا تھا کہ 1 سال سے ثناء خان کو فولو کر رہی ہوں ، ان کی باتیں اچھی لگتی تھیں، انہیں دیکھ کر ہی دل میں بیان سننے کا شوق پیدا ہوا۔
مزید یہ کہ اللہ سے توبہ کرکے جو سکون ملا وہ میں الفاظ میں بیان نہیں کر سکتی جو سکون ڈھونڈ رہی تھی وہ اللہ کی عبادت میں ملا اور اب میں ہمیشہ حجاب میں ہی رہوں گی۔