پاکستان کی پہلی آن لائن ریئل اسٹیٹ مارکیٹ پلیس گرانہ ڈاٹ کام کے زیرِ اہتمام گرانہ پراپرٹی فیسٹیول لاہور کے ایکسپو سینٹر میں 7 اور 8 مئی کو منعقد کیا جائیگا۔ تفصیلات کے مطابق ایونٹ کا باقاعدہ آغاز 7 مئی (بروز ہفتہ) صبح دس بجے ہوگا۔ ایونٹ میں دونوں روز یعنی 7 اور 8 مئی کو دن 10 بجے سے شام 6 بجے تک شرکت کی جاسکتی ہے۔ پراپرٹی فیسٹیول میں پاکستان بھر سے 40 بہترین ریئل اسٹیٹ ڈویلپرز شامل ہوں گے جن کا مقصد عوام الناس کے سامنے ریئل اسٹیٹ میں سرمایہ کاری کے بہترین مواقع پیش کرنا ہوگا۔ علاوہ ازیں گرانہ ڈاٹ کام کے اِس ایونٹ میں فیملیز کیلئے فری انٹری کی سہولت کے ساتھ متعدد انٹرٹینمینٹ کے مواقع بھی یقینی بنائے جائیں گے۔ ایونٹ میں لکی ڈرا کا ایک خصوصی سیکشن بھی رکھا گیا ہے جس میں لوگ حصہ لے کر قیمتی انعامات اپنے نام کروا سکتے ہیں۔