منگنی کا دن ویسے تو ایک اہم دن ہوتا ہے جس میں دو زندگیاں ایک نیا سفر شروع کر رہی ہوتی ہیں، یہ دن ایک یادگار دن ہوتا ہے۔
لیکن ہماری ویب ڈاٹ کام آپ کو ایک ایسے جوڑے کے بارے میں بتائے گی جس کی منگنی میں اہمیت کسی اور کو ہی مل گئی۔
سوشل میڈیا پر ایک پوسٹ کافی وائرل ہے جس میں سوشل میڈیا یوٹیوبر اذلان شاہ اور انفلوائنشر وریشہ خان کی منگنی ہو رہی ہے۔
اذلان شاہ سوشل میڈیا پر جانوروں سے متعلق ویڈیوز اپلوڈ کرتے رہتے ہیں جبکہ وہ اس حوالے سے شوق بھی رکھتے ہیں، اذلان کے پاس کئی قسم کے جانور اور پرندے موجود ہیں جو کہ منفرد بھی ہیں اور عام نہیں ہیں۔
دوسری جانب وریشہ بھی جانوروں سے کافی لگاؤ رکھتی ہیں، سوشل میڈیا پر جانوروں سے متعلق دلچسپ پوسٹس بھی پسند کرتی ہیں۔
اذلان اور وریشہ کی منگنی کے موقع پر بھی کچھ ایسا ہوا ہے جس نے سب کی توجہ حاصل کر لی، جہاں یوٹیوبر اور ان کی منگیتر کی تعریف کے بجائے صارفین جوڑے کے ہاتھوں میں موجود کتے اور بلی کی جانب متوجہ ہو گئے۔
سوشل میڈیا پر لکھا گیا ہے دونوں نے ایک دوسرے کے پالتو جانور کو اٹھایا ہوا ہے اور اسے پیار کر رہے ہیں یعنی اذلان کے پالتو کتے کو وریشہ نے اور وریشہ کی چہیتی بلی کو اذلان نے سینے سے لگایا ہوا ہے۔ دونوں نے منگنی کے موقع پر انگوٹھیاں پہنانے کے بجائے اپنے پالتو جانور ایک دوسرے کو دے دیے۔
اپنے نوعیت کی منفرد منگنی نے صارفین کی توجہ حاصل کرلی۔