ابوظہبی: متحدہ عرب امارات کی ریاست ابوظہبی میں خطے کے سب سے بڑے مندر کی تعمیر کا کام تیزی سے جاری، گراؤنڈ فلور کا کام مکمل ہونے کے بعدپہلی منزل کا سنگ بنیاد رکھ دیا گیا۔
پہلی منزل کی تعمیر مکمل ہونے پرمنعقدہ تقریب میں مندر کے سربراہ سوامی برہماوی ہری داس اور مندر کی تعمیر کی نگرانی کرنے والے سوامی اکشیامونی داس سوامی نے متحدہ عرب امارات کے 500 سے زیادہ معزز مہمانوں کے ساتھ شرکت کی جبکہ متحدہ عرب امارات میں بھارت کے سفیر سنجے سدھیر، کمیونٹی لیڈران اور ممبران بھی شریک ہوئے۔
ابوظہبی میں بومریخہ کے علاقے میں ہائی وے کے قریب 55ہزار مربع میٹر رقبے پر خطے کا سب سے بڑا مندر تعمیر کیا جارہاہے۔ اس مندر میں عبادت کے لیے مرکزی ہال کے علاوہ سروس سینٹر ، تعلیمی مرکز، لائبریری،گفٹ شا پ ، نرسری، پارک اور ریسٹورنٹ بھی بنایا جائے گا۔
تقریب میں بتایا گیا کہ مندر کے گراؤنڈ فلور پر کام تقریباً مکمل ہو چکا ہے اور جلدہندو دیوتاؤں کی زندگیوں کے نقش و نگار کے ساتھ پہلی منزل کی تعمیر کا کام جلد ہی شروع ہو جائے گا جس میں موسیقاروں، رقاصوں، موروں، اونٹوں، گھوڑوں اور ہاتھیوں سے سجایا گیا منظر پیش کیا جائے گا۔
مندر میں 5000 افراد کے بیٹھنے کی گنجائش ہوگی،اس کے سات مینار بھی ہوں گے جو متحدہ عرب امارات کے امارات میں سے ہر ایک کی نمائندگی کریں گے۔ معماروں اور انجینئروں نے مندر کی جگہ پر بھارت سے بھیجے گئے کالموں اور نقش و نگار سے ملنے کے لیے بڑے فرش کے منصوبوں کو دیکھا ہے۔
مندر کے بیرونی حصے پر ایک ہزار سے زیادہ دیوتاؤں کے نقش و نگار کو بریکٹ میں شامل کیا جائے گا جس میں ہاتھی کے سر والے بھگوان گنیش کے کم از کم 30 مجسمے ہوں گے۔ مندر کی طرف جانے والی سیڑھیاں قدیم تہذیبوں کا نمونہ پیش کریں گی۔