قربانی کے جانوروں کے ساتھ کچھ ایسے واقعات رونما ہو چکے ہیں جو کہ سب کو افسردہ کر دیتے ہیں۔
ہماری ویب ڈاٹ کام کی اس خبر میں آپ کو ایک ایسے ہی واقعے سے متعلق بتائیں گے۔
اتوار کے روز ہزاروں دنبوں کو لیے بحری جہاز حادثے کا شکار ہو گیا ہے، جو کہ افریقی ملک سوڈان سے منزل کی جانب گامزن تھا۔
بقرہ عید کے لیے تیار کیے گئے ہزاروں دنبے منڈی تک پہنچائے جا رہے تھے کہ اچانکہ سمندری جہاز کے حادثے کی خبر نے سب کو افسردہ کر دیا۔
اطلاعات کے مطابق بدر 1 نامی بحری جہاز اتوار کی صبح حادثے کا شکار ہوا، جہاز میں موجود تمام دنبے ہلاک ہو گئے تاہم عملے کو بچا لیا گیا ہے۔
سوڈانی پورٹ افسر کے مطابق جہاز میں 9 ہزار دنبوں کو لے جانے کی گنجائش تھی لیکن 15 ہزار 800 دنبوں کو جہاز میں داخل کیا گیا تھا، بحری جہاز سوڈان سے کچھ دور ہی بلیک سی میں حادثے کا شکار ہوا ہے۔