کہتے ہیں کہ موسیقی یا آرٹ کی کوئی سرحد نہیں ہوتی۔ ٹھیک اسی طرح محبت کی بھی کوئی سرحد نہیں ہوتی۔ پاکستان اور بھارت میں سیاسی تنازعات ہونے کے باوجود دونوں ممالک کی عوام ایک دوسرے کے فنکاروں سے پیار بھی کرتی ہے اور ان کی عزت بھی کرتی ہے۔ اریجیت بھی ایسے ہی بھارتی گلوکار ہیں جنھیں پاکستان میں بہت پسند کیا جاتا ہے۔ البتہ حال ہی میں ایک ایسی ویڈیو بھی وائرل ہوئی ہے جس میں اریجیت نے بھی پاکستانی عوام سے اپنی محبت کا اظہار کیا ہے۔ ویڈیو دیکھیے
ویڈیو میں دیکھا جاسکتا ہے کہ اریجیت سنگھ کینیڈا میں کنسرٹ کررہے ہیں جہاں ان کے کئی پاکستانی مداح بھی موجود ہیں۔ ان میں سے ایک مداح کنسرٹ میں پاکستانی جھنڈا ساتھ لائے اور لہرانے لگے۔ صورتحال کی نزاکت کو سمجھتے ہوئے سیکیورٹی اہلکار نے پاکستانی مداح کو جھنڈا لہرانے سے روکنا چاہا مگر اسی وقت اریجیت نے گانا روک کر سیکیورٹی کو جھنڈا ہٹانے سے روک دیا اور بلند آواز میں نصرت فتح علی خان کا گیت گانے لگے۔
میں پاکستان ضرور آؤں گا
اتنا ہی نہیں بلکہ کنسرٹ کے دوران اریجیت خاص طور پر پاکستانی مداحوں کے لیے گیت گاتے ہیں اور کہتے ہیں کہ میں پاکستان ضرور آؤں گا اور ایک بار پھر سے عاطف اسلم کا گیت گانے لگتے ہیں۔ اریجیت کے اس اقدام کو سوشل میڈیا پر بہت پزیرائی مل رہی ہے۔