کھانے کے دوران پلیٹ میں ایک بال کا ٹکڑا بھی آجائے تو کھانے سے دل خراب ہوجاتا ہے۔ لیکن ایسے واقعات بھی پیش آتے ہیں جب لوگوں کے کھانوں سے کبھی لاک بیگ یا کبھی کوئی کیڑا برآمد ہوجاتا ہے۔
ایک ایسا ہی واقعہ اسی ہفتے بروز منگل کو بھارتی شہر نئی دہلی میں پیش آیا جہاں کے ایک شاپنگ مال میں موجود فوڈ کورٹ سے آرڈر کیے جانے والےکھانے سے سیاہ چھپکلی نکل آئی جس کے بعد فورا ریسٹورنٹ کے خلاف قانونی کارروائی کا فیصلہ کیا گیا۔
واقعہ رونما ہونے کے بعد فوڈ اینڈ سیفٹی حکام کی ایک ٹیم نے مبینہ ریسٹورنٹ کا دورہ کیا اور کھانے سے نمونے اکٹھے کئے۔
رپورٹس کے مطابق رات 10 بجے کسٹمر نے چھولے بٹورے آرڈر کیے تاہم چھپکلی نکلنے پر ڈاکٹر نے فوری طور پر ہیلتھ ڈیپارٹمنٹ کو اطلاع دی اور انہوں نے کھانے کے نمونے حاصل کرلیے۔
متعلقہ حکام نے بتایا کہ نمونے فوڈ ٹیسٹنگ لیب میں بھیجے گئے ہیں اور اگلے 15 دنوں میں رپورٹس آجائے گی۔