راولپنڈی کے ہسپتال میں ایک خاتون نے بچے کو جنم دیا تھا جبکہ دوسری خاتون کے ہاں بیٹی کی پیدائش ہوئی تھی مگر ہسپتال انتظامیہ کی نااہلی کی وجہ سے بچے تبدیل ہوگئے لیکن جب معلوم ہوا کہ بچوں میں رد و بدل ہوئی ہے تو دونوں میں سے کسی بھی خاندان نے بیٹی کو لینے سے منع کردیا دونوں کا یہی موقف ہے کہ بیٹا ان کا ہے۔
راولپنڈی پولیس نے معاملہ حل کرنے کے لئے دونوں مولود بچوں اور ان کے والدین کا ڈی این اے ٹیسٹ کرانے کا فیصلہ کیا ہے، دونوں بچے اسپتال کی نرسری میں ماؤں کے بغیر موجود ہیں۔ اسپتال انتظامیہ بھی اپنے طورپر واقعہ کی مکمل تحقیقات کررہی ہے۔ ایم ایس ڈاکٹر سہیل کے مطابق ہسپتال انتظامیہ نے نوزائیدہ بچوں کو اپنی نگرانی میں رکھا ہوا ہے تاکہ جس والدین کا جو بچہ ہے وہ ان کو ہی دیا جائے۔