تیاری کرلیں، ایک اور سسٹم آ رہا ہے ۔۔ محکمہ موسمیات نے کراچی سمیت سندھ بھر میں خطرے کی گھنٹی بجا دی

کراچی سمیت سندھ، بلوچستان اور پورے ملک میں اس سال مون سون نے وہ جلوہ دکھایا ہے جس نے سب کو حیران کر دیا ہے، لیکن رک جایئے جناب ابھی مون سون ختم نہیں ہوا ہے۔

محکمہ موسمیات کی نئی پیشن گوئی نے سندھ بھر میں ہلچل مچا دی ہے۔

پاکستان میٹیرو لوجیکل ڈپارٹمنٹ کی جانب سے ستمبر کے حوالے سے خبردار کر دیا ہے۔ محکمہ موسمیات کا کہنا ہے کہ ستمبر کے مہینے میں سندھ اور شمال مشرقی پنجاب میں معمول سے زیادہ بارش کی پیشن گوئی کی گئی ہے۔ جبکہ بلوچستان، کے پی پنجاب کے کچھ علاقے اور آزاد کشمیر میں معمول کے مطابق بارش کا امکان ہے۔

اگست کی طوفانی بارشوں کے بعد اب ستمبر بھی خطرناک ثابت ہو سکتا ہے، محمکہ موسمیات کا کہنا ہے کہ موسم کی خاص کنڈیشن La-Niña اس وقت کمزور شدت کے ساتھ ستمبر میں بھی جاری رہ سکتا ہے، جبکہ IOD condition اس وقت منفی رہنے کا امکان ہے۔

موسلادھار بارشوں کی وجہ سے پنجاب، کے پی اور کشمیر میں سیلابی صورتحال کا خدشہ ہے۔ واضح رہے پاکستان کے 50 فیصد سے زائد علاقے اس وقت سیلابی صورتحال سے دوچار ہیں۔ سندھ کے متعدد اضلاع اس وقت سیلابی تباہی کی ضد میں ہیں، جبکہ بلوچستان میں بھی سیلاب نے تباہی مچائی ہے۔

اس وقت پنجاب، کشمیر کے کچھ اضلاع میں سیلابی تباہی جاری ہے، جبکہ سندھ میں بھی مزید سیلابی ریلوں کے داخل ہونے کا اندیشہ ہے، ایسے میں آنے والا بارشوں کا سسٹم مزید تباہی پھیلا سکتا ہے۔