دیسی گھی میں کھانے پکائے گئے اور دھوم دھام سے بارات بھی لے گئے۔ سننے میں تو یہ عام سی بات ہے لیکن اتنی بھی عام نہیں کیوں ہم یہاں کسی انسان کی شادی کا نہیں بلکہ پالتو کتوں کی شادی کا ذکر کررہے ہیں۔ ذرا ویڈیو دیکھیں
اس ویڈیو میں دیکھا جاسکتا ہے کہ ڈھول کی تھاپ پر پالتو کتے “ٹومی“ کی بارات لے کر جائی جارہی ہے۔ ٹومی کے مالک بھارت کی ریاست اترپردیش کے سرپنج ہیں جن کا نام دنیش چوہدری ہے۔ انھوں نے اپنے عزیز کتے کے لئے ڈاکٹر رام پرکاش کی لاڈلی کتیا “جیلی“ کو پسند کیا اور دھوم دھام سے دونوں کی شادی کروائی۔
تقریب کی خاص بات
اس تقریب کی خاص بات یہ تھی کہ ان کی شادی مکمل ہندو مذہبی روایات کے تحت کی گئی۔ اس شادی میں گلے کے عام کتوں کو کیک اور دیگر کھانے بھی کھلائے گئے اور خصوصی دعوت نامے بھی تیار کیے گئے۔ آنے والے مہمانوں کی تواضح دیسی گھی میں بنے کھانوں سے کی گئی اور اس شادی پر کل خرچہ ٤٥ ہزار روپے آیا ہے۔