آپ نے شاندار سے شاندار شادی دیکھی ہوگی مگر کیا کبھی آپ نے سمندر کے اندر شادی ہوتے دیکھی ہے؟ اگر نہیں تو ہم آپ کے لئے ایسی ہی شادی کی تصویر لائے ہیں جس میں دلہا دلہن سمندر کی گہرائی میں شادی کررہے ہیں۔
اس شادی میں یورپین رسومات کے مطابق دلہا دلہن نے سفید لباس پہنا ہوا ہے۔ دلہا اپنی ہونے والی دلہن کا ہاتھ پکڑ کر اسے سمندر میں لے جاتا ہے جہاں مذہبی پیشوا بھی موجود ہے اور اشاروں سے جوڑے کی شادی کرواتا ہے۔
شادی کے بعد دلہا دلہن کیک بھی کاٹتے ہیں۔ کیک بظاہر پلاسٹک کا لگتا ہے کیونکہ وہ پانی میں خراب نہیں ہورہا۔ اس کے بعد نوبیاہتا جوڑا اپنا میرج سرٹیفکیٹ بھی دکھاتا ہے۔ سوشل میڈیا پر یہ تصاویر اس وقت کافی مقبول ہیں۔