کراچی میں حکام کے مطابق راشن کی تقسیم کے دوران بھگدڑ سے کم سے کم 6 افراد ہلاک ہو گئے ہیں۔
امدادی کارکنوں کے مطابق یہ واقعہ جمعے کو کراچی کے علاقے سائٹ ایریا میں پیش آیا۔پولیس کے مطابق سائٹ ایریا نورس چورنگی کے قریب واقع کپڑا رنگنے والی ایک فیکٹری میں راشن کی تقسیم جاری تھی کہ وہاں بھگدڑ مچ گئی، جس کے نتیجے میں 4 افراد ہلاک جبکہ متعدد زخمی ہوگئے ہیں۔عباسی شہید ہسپتال کی انتظامیہ کے مطابق بلدیہ ٹاؤن میں بھگدڑ مچنے اور نالے میں گرنے سے ہلاک ہونے والے آٹھ افراد کی لاشیں ہسپتال لائی گئی ہیں۔چیف سیکریٹری سندھ ڈاکٹر محمد سہیل راجپوت نے واقعے کا نوٹس لیتے ہوئے انکوائری کا حکم دے دیا ہے۔انہوں نے کمشنر کراچی اور سیکریٹری انڈسٹریز سے واقعے کی رپورٹ طلب کر لی ہے۔چیف سیکریٹری سندھ نے ہدایت کی کہ ذمہ داروں کا تعین کر کے ان کے خلاف کارروائی کی جائے۔