پاکستان کرکٹ ٹیم کے فاسٹ بولر نسیم شاہ نے منگنی سے متعلق گردش کرتی خبروں کی تردید کردی۔
فوٹو اینڈ ویڈیو شیئرنگ پلیٹ فارم انسٹاگرام پر فاسٹ بولر نسیم شاہ نے گزشتہ دنوں ایک تصویر شیئر کی جس میں انہیں دو بزرگوں کے درمیان مسکراتے ہوئے بیٹھے ہوئے دیکھا جاسکتا ہے۔
اس تصویر کے کیپشن میں انہوں نے اللہ کا شکر ادا کرتے ہوئے لکھا کہ اس نے انہیں بہترین سے نوازا۔
نسیم شاہ کی اس پوسٹ کے بعد ان کے ساتھی کھلاڑیوں سمیت سوشل میڈیا پر مداحوں کی جانب سے انہیں مبارک باد دینے کا سلسلہ شروع ہو گیا۔
تاہم نسیم شاہ نے وضاحتی انسٹا اسٹوری میں لکھا کہ آخری تصویر جو میں نے پوسٹ کی وہ میرے نکاح یا منگنی کی نہیں تھی، شکر گزار ہونے کا مطلب صرف کسی رشتے میں منسلک ہونا نہیں، براہ مہربانی اسے غلط سمجھنا بند کریں۔ یہ بس گھر والوں کے ساتھ افطار کی ایک تصویر تھی، مجھے امید ہے کہ اب سب واضح ہوگیا ہے‘۔