رمضان کا مہینہ تو آدھے سے زیادہ گزر چکا اور عید سر پر ہے۔ ایسے میں سب سے زیادہ رش درزیوں اور دوپٹہ پیکو کرنے والوں کی دکان پر ہوتا ہے جن کے نخرے بھی آسمان پر پہنچ جاتے ہیں۔ اس لیے آج ہم آپ کو گھر پر ہی سادہ سلائی مشین سے دوپٹہ پیکو کرنے کا آسان طریقہ بتاتے ہیں۔

سب سے پہلے دوپٹے پر نشان لگائیں

جس دوپٹے کو پیکو کرنا ہے اس کے کناروں کو اچھی طرح اور برابر کاٹ لیں۔ دھاگے نہ نکل رہے ہوں ورنہ سلائی کرتے ہوئے الجھیں گے۔ دوپٹے کو الٹا بچھا لین۔ اب کسی چاک یا پین کی مدد سے دوپٹے سے آدھا انچ اندر نشان لگالیں۔

ہاتھوں میں پانی لگا کر دوپٹہ موڑتے جائیں

ہاتھوں میں ہلکا سا پانی لگا کر کناروں کو نشان تک گولائی میں موڑیں اور سلائی مشین چلانا شروع کریں۔ پہلے دو تین ٹانکے لگائیں۔ جب دوسری طرف سے کپڑا پکڑ میں آجائے تو دوپٹے کو ہلکے ہاتھوں سے اوپر نیچے کرتے ہوئے زگ زیگ کی شکل میں سلائی کریں۔

گھر بیٹھے ہی دوپٹہ پیکو ہوگیا

پورے دوپٹے میں نشان لگا کر اور گیلے ہاتھوں سے موڑ کر پیکو کیا جاسکتا ہے۔ لیجیے آپ کا دوپٹہ آسانی سے گھر پر ہی پیکو ہوگیا۔