سپریم کورٹ میں صدر مملکت کو عہدے سے برطرف کرنے کے لئے درخواست دائر کر دی گئی۔
سپریم کورٹ میں چودھری محمد امتیاز نامی شہری کی جانب سے درخواست دائر کی گئی، جس میں درخواست گزار نے موقف اختیارکیا کہ صدر عارف علوی صدارت کے عہدے کے اہل نہیں رہے۔
شہری نے اپنی درخواست میں عدالت سے استدعا کی کہ سپریم کورٹ صدر مملکت کو عہدے سے برطرف کرے، موقف اختیار کیاگیاکہ صدر ایک سیاسی جماعت سے منسلک اور جانبدار ہیں۔
درخواست گزار نے موقف اختیار کیاکہ صدر نے حکومت کی قانون سازی کو سیاسی جماعت کے چیئرمین کے کہنے پر منظور نہیں کیا،درخواست میں صدر عارف علوی کو فریق بنایا گیا ہے۔