لاہور میں سری لنکا کے اعزازی قونصل جنرل یاسین جوئیہ کا کہنا ہے کہ انہوں نے پاکستان کو دو ہاتھی تحفے میں دینے سے متعلق کوئی بیان جاری نہیں کیا ہے۔پیر کو ایک ٹویٹ میں یاسین جوئیہ کا کہنا تھا کہ ’واضح کرنا چاہتا ہوں کہ میں نے سری لنکا حکومت کی جانب سے پاکستان میں تحفے میں دو ہاتھی دینے سے متعلق کوئی بیان جاری نہیں کیا ہے۔‘لاہور میں سری لنکا کے اعزازی قونصل جنرل کا بیان کراچی میں’نور جہاں‘ نامی ہتھنی کی ہلاکت کے دو دنوں بعد سامنے آیا ہے۔یاسین جوئیہ کا اپنی ٹویٹ میں مزید کہنا تھا کہ ’سری لنکا کی حکومت پہلے ہی اپنے ملک سے جانوروں کو کسی بھی دوسرے ملک منتقل کرنے پر پابندی لگا چکی ہے۔‘From Sri Lanka .... 2
— Yasin Joyia (@joyia_yasin) April 24, 2023
اس سے قبل متعدد سوشل میڈیا صارفین کی جانب سے یاسین جوئیہ سے منسوب کرکے ایک بیان چلایا جا رہا تھا کہ سری لنکا کی حکومت پاکستان کو دو ہاتھی تحفے میں دے گی جنہیں کراچی اور لاہور کے چڑیا گھر منتقل کیا جائے گا۔سوشل میڈیا صارفین ان خبروں سے سخت ناراض تھے اور سری لنکا کو پاکستان جانور نہ بھیجنے کا مشورہ دے رہے تھے۔پاکستان میں سری لنکا کے ہائی کمیشن نے بھی ٹوئٹر پر کہا کہ یاسین جوئیہ نے ایسا کوئی بیان نہیں دیا۔Sri Lanka High Commission wishes to categorically deny any such discussion or initiatives taken to provide Elephants to the Zoos in Karachchi and Lahore.
— Sri Lanka High Commission in Pakistan (@SLinPakistan) April 23, 2023
ایک ٹویٹ میں سری لنکا کے ہائی کمیشن کا کہنا تھا کہ ’سری لنکا کا ہائی کمیشن کراچی اور لاہور کے چڑیا گھروں کو ہاتھی فراہم کرنے سے متعلق بات چیت کی خبروں کی تردید کرتا ہے۔‘