کراچی کے علاقے نارتھ ناظم آباد انڈہ موڑ پر واقع چائے کے ہوٹل پر کھانا کھانے کے لیے آئے ہوئے شہری نالے میں جا گرے۔ واقعے کی ویڈیوز سوشل میڈیا پر شیئر کی جا رہی ہیں۔ تفصیلات کے مطابق نالے کی چھت اچانک گرنے سے شہری کرسیوں سمیت نالے میں جا گرے۔
چائے کے ہوٹل کے سامنے نالے پر کرسیاں لگائی گئی تھیں، وزن زیادہ بڑھنے سے نالے کی چھت بیٹھ گئی اور شہری نالے میں گر گئے۔
نالے میں گرے لوگوں کو ابتدائی طبی امداد دے گئی لیکن یہ پہلا موقع نہیں کہ جب ایسا حادثہ پیش آیا ہو، کراچی میں ایسے سینکڑوں ہوٹل، دکانیں اور دفاتر بھی موجود ہیں جو نالوں پر قائم کیے گئے ہیں۔ لیکن شہری انتظامیہ نے اس حوالے سے کسی بھی قسم کا کوئی انتظام نہیں کر رکھا ۔