سعودی عرب میں خاتون کے ہاں ایک ساتھ 3 بیٹیوں کی پیدائش ہوئی ہے۔ بچیوں کے والدین 6 سال سے اولاد کی نعمت سے محروم تھے۔ سعودی میڈیا کے مطابق نجران ریجن میں خاتون کے ہاں ایک ساتھ تین بیٹیوں کی پیدائش ہوئی۔ ان کے والد اپنی تینوں بیٹیوں کے ساتھ تصویر میں نظر آرہے ہیں۔ والد نے سوشل میڈیا پر بچیوں کے ساتھ تسویر شیئر کی تو ہر کسی نے مُبارکباد دی۔
وزارت صحت نے بھی اس تسویر کو شیئر کرکے ان کو مبارکباد دی۔ والد کا کہنا ہے کہ اتنے سالوں سے اللہ کی نعمت اور رحمت کے لیے ترس رہے تھے انتظار کر رہے تھے، اتنے سال انتظار کروایا لیکن اس کا شکر ہے کہ دامن خوشیوں سے بھر دیا۔
ہسپتال انتظامیہ بھی بچیوں کی پیدائش پر خوش ہے۔ والدین نے اپنی بیٹیوں کے نام اسما، سما اور سحاب رکھے ہیں۔