پاکستان تحریک انصاف کے رہنما شاہ محمود قریشی نے کہا ہے کہ صبح یہ جھنڈا عمران خان کے پاس تھا، اب میرے پاس ہے ۔رات کو ہو سکتا ہے یہ جھنڈا کسی اور کے ہاتھ میں ہو۔
میڈیا سے گفتگو کرتے ہوئے انہوں نے کہا کہ اسلام آباد ہائیکورٹ کے فیصلے سے مایوسی ہوئی ،سب جانتےہیں یہ سیاسی نوعیت کا کیس ہے،عمران خان نےجلسوں کا اعلان کیاتھا ،گھبراہٹ میں آکر انکو گرفتارکیاگیا۔
حکومت کی بوکھلاہٹ اور گھبراہٹ کا نتیجہ آج سب کے سامنے ہے،عمران خان کی گرفتاری سیاسی انتقام ہے،آج کی کارروائی غلط اور بلاجواز تھی۔