چیئرمین پاکستان تحریک انصاف عمران خان نے پولیس لائنز گیسٹ ہائوس میں چار لوگوں سے ملاقات کی خواہش ظاہر کردی۔
نجی ٹی وی ایکسپریس نیوز کے مطابق اسلام آباد پولیس نے عمران خان کے وکیل نعیم حیدر پنجھوتہ سے رابطہ کیا اور انہیں عمران خان کا پیغام پہنچایا کہ وہ ان سے ملاقات کرنا چاہتے ہیں۔
اس کے علاوہ چیئرمین پی ٹی آئی نے ملاقات کیلئے اپنی اہلیہ بشریٰ بیگم اور دو ملازمین کے نام بھی دیے ہیں۔ وکیل نعیم حیدر نے تصدیق کی ہے کہ وہ عمران خان سے ملاقات کرنے جا رہے ہیں۔
یاد رہے کہ آج سپریم کورٹ نے عمران خان کی گرفتاری غیر قانونی قراردی ہے اور انہوں نے کل اسلام آباد ہائیکورٹ سے رجوع کرنے کی ہدایت کی ہے ۔