چیئرمین پی ٹی آئی عمران خان نیب حراست میں ہونے کے باوجود اپنے وکیل بابر اعوان سے بھی رابطے میں تھے، بابر اعوان نے بھانڈا پھوڑ دیا۔
تفصیلات کے مطابق عرب نیوز سے بات چیت کرتے ہوئے بابر اعوان نے کہا کہ گرفتاری کے روز عمران خان کو ٹی وی تک رسائی نہیں تھی۔
عرب نیوز کے رپورٹر نے پوچھا کہ آپ کو کیسے پتا چلا کہ عمران خان کو ٹی وی تک رسائی نہیں تھی؟ اس پر بابر اعوان نے کہا کہ میں اسی شہر میں رہتا ہوں، ہمیں رابطے کرنے کے سارے طریقے معلوم ہیں۔
یاد رہے کہ گزشتہ روز عمران خان نے سپریم کورٹ میں دعویٰ کیا تھا کہ 9 مئی کے پرتشدد واقعات کا انھیں علم ہی نہیں تھا، وہ تو حراست میں تھے۔
بابر اعوان نے عرب نیوز سے بات چیت کرتے ہوئے بھانڈا پھوڑ دیا pic.twitter.com/D4JR8zzNDO
— Geo News Urdu (@geonews_urdu) May 13, 2023