تحریک انصاف کے چیئرمین عمران خان نے کہا ہے کہ اب لندن پلان کھل کر سامنے آچکا ہے۔
بغاوت کی آڑ لے کر مجھے آئندہ دس برس کے لئے قید کرنے کا منصوبہ ہے، اس کے علاوہ یہ بشریٰ بیگم کو زندان میں ڈال کر مجھے اذیّت پہنچانا چاہتے ہیں۔
عمران خان کا کہنا تھا کہ یہ پاکستان کی بڑی اور وفاقی جماعت تحریک انصاف پر پابندی لگا دیں گے، یہ انٹرنیٹ سروسز اور سوشل میڈیا پوری طرح بند کردیں گے۔
پولیس خواتین سے بدتمیزی وبدسلوکی میں مصروف ہے، فضل الرحمان والے تماشے کا مقصد چیف جسٹس کو مرعوب کرنا ہے،عمران خان نے کہا کہ خون کے آخری قطرے تک حقیقی آزادی کیلئے لڑوں گا۔