سابق وزیراعظم عمران خان کی اہلیہ بشریٰ بی بی نے القادر ٹرسٹ کیس میں لاہور ہائیکورٹ میں حفاظتی ضمانت دائر کر دی۔
چیئرمین پاکستان تحریک انصاف (پی ٹی آئی) عمران خان کی اہلیہ بشریٰ بی بی کی جانب سے درخواست میں وفاقی حکومت، نیب اور دیگر کو فریق بنایا گیا ہے۔ درخواست خواجہ حارث، انتظار پنجوتہ اور علی اعجاز بٹر کی وساطت سے دائر کی گئی ہے۔
درخواست میں مؤقف اختیار کیا گیا ہے کہ نیب نے القادر ٹرسٹ کیس میں تحقیقات شروع کر رکھی ہے۔ نیب کی جانب سے جاری تحقیقات غیر قانونی ہیں۔ نیب کی طرف سے گرفتاری کا خدشہ ہے۔
خیال رہے کہ القادر ٹرسٹ کیس میں عمران خان کی تمام مقدمات میں حفاظتی ضمانت منظور کرتے ہوئے 17 مئی تک کسی بھی مقدمے سے گرفتاری سے روک دیا تھا۔ تین رکنی خصوصی بینچ نے القادر ٹرسٹ میں دو ہفتوں کیلئے ضمانت منظور کی تھی۔