کراچی: پاکستان تحریک انصاف (پی ٹی آئی) رہنما خرم شیرزمان کا ریسٹورنٹ سیل کر دیا گیا۔
پی ٹی آئی رہنما خرم شیرزمان نے اپنے ایک بیان میں کہا ہے کہ سندھ حکومت نے سیاسی نفرت میں میرا ریسٹورنٹ سیل کر دیا ہے اور پیپلز پارٹی سیاسی نقصان کے ساتھ اب کاروباری نقصان پہنچانے پر اتر آئی ہے۔
انہوں نے انسانی حقوق کمیشن سے درخواست کی کہ وہ سندھ حکومت کی فسطائیت کا نوٹس لے۔
یہ بھی پڑھیں:
واضح رہے کہ سندھ فوڈ اتھارٹی نے کراچی کے علاقے صدر میں واقع خرم شیرزمان کا ریسٹورنٹ سیل کیا ہے جس سے متعلق حکام کا کہنا ہے کہ ریسٹورنٹ صفائی ستھرائی کی ناقص صورت حال اور غیر معیاری خوراک کی فراہمی کی وجہ سے سیل کیا گیا۔