پی ٹی آئی رہنما ڈاکٹر شیریں مزاری رہائش گاہ سے پھر گرفتار

اسلام آباد: پاکستان تحریک انصاف کی مرکزی رہنما ڈاکٹر شیریں مزاری کو ایک مرتبہ پھر ان کی رہائش گاہ سے گرفتار کر لیا گیا ہے۔

سابق وفاقی وزیر ڈاکٹر شیریں مزاری کی صاحبزادی اور وکیل ایمان مزاری نے سماجی رابطوں کی ویب سائٹ پر اپنی والدہ کی گرفتاری کی اطلاع دی ہے۔

— The Asian Mirror (@theasianmirror) May 17, 2023

ایمان مزاری نے اس ضمن میں مؤقف اپنایا ہے کہ پنجاب پولیس نے شیریں مزاری کو ان کی رہائش گاہ سے گرفتار کر لیا ہے۔

9 مئی کے واقعات میں ملوث ملزمان کو انصاف کے کٹہرے میں لایا جائیگا، آرمی چیف

پی ٹی آئی رہنما شیریں مزاری کی صاحبزادی ایمان مزاری نے کہا ہے کہ پولیس انہیں گرفتار کر کے نا معلوم مقام پر لے گئی ہے۔

فوجی تنصیبات پر حملہ کرنے والے 30 سے 40 دہشت گرد زمان پارک میں ہیں، ہمارے حوالے کیے جائیں، وزیر اطلاعات پنجاب

واضح رہے کہ ڈاکٹر شیریں مزاری کو گزشتہ روز اڈیالہ جیل سے رہا ہونے کے بعد پولیس نے گرفتار کرلیا تھا جس کے بعد آج اسلام آباد ہائی کورٹ کے حکم پرانہیں رہائی ملی تھی۔