مشہور فرانسیسی فٹبالر پاکستان میں کیا کر رہا ہے؟ وائرل ویڈیو نے پاکستانی عوام کو حیرت میں ڈال دیا

فٹبال ایک ایسا کھیل ہے جسے دنیا بھر میں بہت شوق سے دیکھا اور پسند کیا جاتا ہے، اور ان فٹبالرز کے لاکھوں کروڑوں فینز بھی ہیں۔ انہی میں سے ایک فرانس کے اسٹار پلیئر کِلیان ایمباپے ہیں جنہوں نے فیفا ورلڈ کپ میں شاندار پرفارمنس دی تھی۔

اور اب کِلیان ایمباپے، فیفا ورلڈکپ کے بعد ایک بار پھر پاکستانیوں کی توجہ کا مرکز ہیں، لیکن اسکی وجہ کیا ہے؟

اس کی وجہ ایمباپے کا پاکستانی ہمشکل ہے۔ جی ہاں! سوشل میڈیا پر ایک ویڈیو وائرل ہورہی ہے جس میں فرانسیسی فٹبالر سے مشابہت رکھنے والا ایک پاکستانی شخص نظر آرہا ہے۔

اس ویڈیو کو شیئر کرتے ہوئے کیپشن میں "ایمباپے پاکستان میں" لکھا گیا ہے۔

اس ویڈیو کو اب تک اسے 10 لاکھ سے زیادہ لائکس اور 10 ملین ویوز مل چکے ہیں۔ اسے کچھ ہفتے پہلے سوشل میڈیا پر شیئر کیا گیا تھا۔

اس وائرل ویڈیو میں نظر آنے والے شخص کی کِلیان ایمباپے سے مشابہت دیکھ کر سوشل میڈیا صارفین دنگ رہ گئے اور خود کو ویڈیو پر تبصرے کرنے سے نہ روک سکے۔