معروف ہالی ووڈ اداکار ال پچینو کا کہنا ہے کہ 83 برس کی عمر میں وہ ایک بار پھر باپ بننے والے ہیں۔ مشہور زمانہ فلم’گاڈ فادر کے ہیرو ال پچینو نے بتایا ہے کہ 29 سالہ نور الفلاح امید سے ہیں اور ان کے ہاں کسی بھی وقت بچے کی پیدائش ہوسکتی ہے۔
واضح رہے کہ ال پچینو کے پہلے ہی 3 بچے ہیں۔ اس سے پہلے 2 بیورلی ڈی اینجیلو سے اور ایک اداکارہ جان ٹارنٹ سے۔ اس طرح آنے والا بچہ ال پچینو کا چوتھا بچہ ہوگا۔
ال پچینو کے ہونے والے بچے کی والدہ نور الفلاح کویتی نژاد امریکی پروڈیوسر ہیں اور ان کی والدہ امریکی ہیں۔ نورالفلاح نے فلم میکنگ کی تعلیم حاصل کی ہے۔