بھارتی اداکارہ سونالی سیگل جو فلم پیار کا پنچ نامہ سے شہرت حاصل کرکے انڈسٹری میں اپنا نام بنانے میں کامیاب ہوئیں۔ آج کل ان کی شادی کا چرچہ ہر جگہ کیا جا رہا ہے۔ اداکارہ شادی میں اپنے پالتو کتوں کی جوڑی کو بُلانا نہ بھولیں۔ یہی وجہ ہے کہ اس وقت ان کی شادی مین سٹریم میڈیا پر توجہ کا مرکز بن رہی ہے۔
اداکارہ سونالی سیگل نے اپنے قریبی دوست اشیش سجنانی سے شادی کی۔ دونوں کئی سالوں سے رابطے میں تھے اور اب انہوں نے شادی کرلی ہے۔ ذاتی ہوٹل کے مالک اشیش سجنانی ایک مضبوط بزنس مین ہیں۔ سونالی نے شادی کے دن ہلکا گلابی اور ولیمے پر ہلکے نیلے رنگ کا انتخاب کیا تھا جبکہ سونالی کے پالتو کتے بھی اپنی مالکن کے ساتھ میچنگ میں نظر آئے۔