دانش تیمور نجی ٹی وی پر گیم شو کا پروگرام کرتے ہیں جس کے ایک سیگمنٹ میں کچھ ٹک ٹاکرز کو بلایا جاتا ہے اور مختلف قسم کے کھیل پیش کیے جاتے ہیں۔ جو ناظرین اور حاضرین کی توجہ سمیٹتے ہیں۔ بہرحال اس وقت دانش تیمور ایک مرتبہ پھر سوشل میڈیا پر ہیش ٹیگز اور میمز میں مشہور ہو رہے ہیں۔ اب اس مرتبہ یہ کچھ نئے نام کے ساتھ کمنٹس میں اپنی جگہ بنا رہے ہیں اور وہ ہے لوو گرو یا رشتہ کروانے والی آنٹی ۔۔
جب سے ٹک ٹاکر شہیر احمد اور حفصہ کی شادی کی تصاویر سامنے آئیں سب نے پہلے تو اس جوڑے کا خوب مذاق اُڑایا اور پھر اب دانش تیمور کو بھی آڑے ہاتھوں لینا شروع کردیا۔ ہر کوئی دانش کو لَوو گرو کہہ رہا ہے کہ یہ سب کی شادیاں کروانے والے بن گئے ہیں۔ جو ان کے شو پر کپل بن کر آتا ہے یا پھر دوست بن کر سب کی شادیاں ہو جاتی ہیں۔
حفصہ اور شہیر سے قبل معاذ صفدر اور صبا،، لاریب اور زرناب بھی شادی کرچکے ہیں۔ اب سب کو ربیکا اور ان کے دوست حسین ترین کی شادی کا انتظار ہے ۔۔ یہ سب لوگ دانش کے شو میں آنے کے بعد شادی کے بندھن میں بندھے ہیں۔
صارفین ان پر کمنٹ کرتے ہوئے کہہ رہے ہیں کہ اب جو لوگ غیر شادی شدہ ہیں، نوجوان ان کو بھی چاہیے کہ وہ دانش تیمور کے شو میں چلے جائیں ان کی بھی شادیاں جلدی ہو جائیں گیں۔