لیجنڈری ہیرو دلیپ کمار کی اہلیہ سائرہ بانو کا انسٹاگرام اپنے مرحوم شوہر دلیپ کمار کی پرانی یادوں سے بھرا پڑا ہے۔
سائرہ نے مرحوم شوہر کی ایک اور یاد کو تازہ کرتے ہوئے ان کی جوانی کے دنوں میں کرکٹ کھیلتے ہوئے تصویر شیئر کردی۔ کیپشن میں لکھا کہ دلیپ کمار کرکٹر بننا چاہتے تھے۔ مجھے یہ تصویر دیکھنا پسند ہے کیونکہ محمد یوسف خان اپنی جوانی میں کرکٹر بننا چاہتے تھے لیکن اللّہ تعالیٰ نے ان کی قمست میں کچھ اور بہتر لکھ رکھا تھا۔
محمد یوسف خان المعروف دلیپ کمار کالج کے بعد روزانہ میٹرو سنیما کے پیچھے والے میدان میں جاکر کرکٹ اور فٹ بال کھیلا کرتے تھے، انہوں نے مجھے بتایا تھا کہ کس طرح انہوں نے پیسے جمع کرکے اپنا پہلا بلّا اور جوتے خریدے تھے۔ وہ اپنے اسکول کے دور میں ایک بہترین ایتھلیٹ ہوا کرتے تھے کہ 200 میٹر کی دوڑ میں ہمیشہ اول آتے تھے۔ راج کپور نے دلیپ سے باؤلنگ کرنی سیکھی۔ ور کس طرح پہلی ہی گیند پر انہیں آؤٹ کردیا جس پر راج کپور بھی اپنی ہنسی نہ روک پائے۔ واضح رہے دلیپ کمار 7 جولائی 2021 کو طویل علالت
کے باعث انتقال کر گئے تھے۔