ڈرامہ تیرے بن کی شاندار کامیابی کے بعد اب وہاج یعنی مرتسم اور میرب یعنی یمنیٰ زیدی کو میگا پراجیکٹس کی زینت بنایا جا رہا ہے۔ وہاج نے تو ڈرامے کے ختم وہنے سے پہلے ہی کئی بہترین پراجیکٹس کیے لیکن اب میرب بھی مشہور شوبز ستاروں کے ساتھ جلوہ گر ہونے والی ہیں۔
یمنیٰ زیدی نے انسٹاگرام پوسٹ کے ذریعے اپنے مداحوں کو بتایا کہ وہ ہمایوں سیعد کے ساتھ ایک پروجیکٹ میں کام کرنے جا رہی ہیں۔ اس پوسٹ کا آغاز بِسْمِ ٱللَّٰهِ سے کرتے ہوئے لکھا ہے کہ ’اپنے آنے والے نئے ڈرامہ سیریل ’جینٹل مین‘ کا اعلان کرتے ہوئے بہت پرامید ہوں۔‘ یمنیٰ زیدی اور ہمایوں سعید کے آنے والے نئے ڈرامہ سیریل ’جینٹل مین‘ میں ایک ساتھ کام کریں گے۔ ڈرامے کو معروف مصنف خلیل الرحمٰن قمر نے لکھا ہے۔
یمنیٰ اور ہمایوں کے آنے والے اس نئے پروجیکٹ جینٹل مین کی پروڈیوسر، ہمایوں سیعد کی بیوی ثمینہ ہمایوں سعید اور ثنا شاہنواز ہیں۔