سپریم کورٹ نے شوگر ملز کیس میں مسلم لیگ ن کی چیف آرگنائزر مریم نواز کی ضمانت منسوخی کی درخواست خارج کر دی ہے۔
منگل کو چیف جسٹس پاکستان کی سربراہی میں سپریم کورٹ کے تین رکنی بینچ نے مریم نواز کی شوگر ملز کیس میں ضمانت منسوخی کی درخواست پر سماعت کی۔کیس کی سماعت کے دوران نیب کے وکیل نے موقف اپنایا کہ ’ضمانت منسوخی کی درخواست واپس لینا چاہتے ہیں۔ نیب قانون میں تبدیلی کے بعد مریم نواز کی ضمانت منسوخی کی درخواست پر مزید کارروائی نہیں ہو سکتی۔‘عدالت نے مریم نواز کی ضمانت منسوخی کی درخواست نیب کی جانب سے واپس لینے کی بنا پر خارج کر دی۔نیب کی جانب سے عدالت سے استدعا کی گئی کہ براہ کرم آرڈر میں خارج کرنے کے بجائے نمٹا دینا لکھ دیں جس پر چیف جسٹس عمر عطا بندیال نے ریمارکس دیے کہ ’آپ کو آرڈر پسند آئے گا۔‘