اسلام آباد پولیس کا کہنا ہے کہ سیکریٹریٹ تھانے کی حدور میں ٹریل فائیو کے قریب سے دستی بموں اور اسلحے سے بھرا بیگ ملا ہے۔
پولیس کی جانب سے اتوار کی رات کو جاری بیان کے مطابق ’تھانہ سیکرٹریٹ کے ایریا ٹریل 5 کے پاس پولیس کو ظہیر نامی شخص نے کال کر کے بتایا کہ ایک مشکوک بیگ پڑا ہوا ہے جس کو پولیس نے موقع پر پہنچ کر چیک کیا۔ بیگ سے تین ہینڈ گرنیڈ ایک 9 ایم ایم پسٹل اور 9 ایم ایم کی 50 گولیاں برآمد ہوئیں۔‘بیان میں مزید کہا گیا ہے کہ بم ڈسپوزل سکواڈ والوں نے بھی موقع پر پہنچ کر چیک کیا اور ہینڈ گرنیڈز کو ڈیفیوز کر دیا۔‘سوشل میڈیا پر شیئر کی گئی تصاویر میں دیکھا جاسکتا ہے کہ بیگ سے اسلام آباد کا نقشہ اور ایک پمفلٹ بھی ملا ہے۔پولیس کا کہنا ہے کہ واقعے کی تفتیش جاری ہے۔