بھارتی ٹیم پاکستان کے خلاف کئی میچز جیت کر کافی خوشیاں منا رہی ہے لیکن قانون کی گرفت سے نہ بچ سکی۔ ٹیم کے کپتان روہت شرما کو بھی ٹریفک پولیس نے گھیرے میں لے لیا ہے۔
بھارتی میڈیا کا کہنا ہے کہ روہت شرما ممبئی پونے ایکسپریس وے پر کافی تیز رفتار میں گاڑی چلا رہے تھے کیونکہ انھیں بنگلہ دیش کے خلاف میچ کھیلنے پہنچنے کی جلدی تھی۔ ٹریفک قوانین کی خلاف ورزی پر ان پر 3 جرمانے عائد کیے گئے ہیں۔
آن لائن جرمانہ عائد کرنے والے بھارتی ٹریفک ڈپارٹمنٹ کا کہنا ہے کہ قانون کے مطابق ورلڈ کپ کے دوران روہت شرما کو تیز رفتار کار کے بجائے ٹیم بس پر سفر کرنا چاہیے تھا۔ جبکہ روہت شرما کے کپتان ہونے کے باوجود غیر ذمہ دارانہ رویے پر سوشل میڈیا پر بھی تنقید کی جارہی ہے۔