پاکستان کرکٹ ٹیم کے سابق کپتان اور کوچ وقار یونس نے پاک آسٹریلیا میچ کے بعد ساتھی کمنٹیٹرز کو پاکستانی کہنے سے روک دیا۔
وقار یونس نے پاک آسٹریلیا میچ کے بعد ٹی وی پر مزاحیہ انداز میں تبصرہ کیا اور ساتھی کمنٹیٹرز سے کہا کہ مجھے پاکستانی مت کہو۔
وقار یونس نے پوسٹ میچ شو میں سابق آسٹریلوی کرکٹر شین واٹسن اور سابق کپتان ایرون فنچ کے ساتھ تبصرہ کیا۔اس دوران وقار یونس نے کہا کہ میں آدھا آسٹریلین ہوں مجھے صرف پاکستانی مت کہو۔
سابق کپتان وقار یونس کا کمنٹ سوشل میڈیا پر وائرل ہورہا ہے جس پر سوشل میڈیا صارفین سابق کپتان کو سخت تنقید کا نشانہ بنارہے ہیں۔
یاد رہے کہ سابق پاکستانی کپتان ورلڈ کپ کے آفیشل براڈ کاسٹرز کے ساتھ منسلک ہیں اور کمنٹری پینل میں بھی شامل ہیں، وقار یونس کی اہلیہ ڈاکٹر فریال آسٹریلین شہری ہیں اور وقار فیملی کے ہمراہ عرصہ دراز سے سڈنی میں مقیم ہیں۔
وقار یونس پاکستان کرکٹ ٹیم کے سب سے کامیاب باؤلرز میں سے ایک ہیں اور قومی ٹیم کی قیادت کے علاوہ کوچنگ کے فرائض بھی انجام دے چکے ہیں۔