اسلام آباد۔30جنوری (اے پی پی):پاکستان پیپلز پارٹی کی نائب صدر سینیٹر شیری رحمان نے کہا ہےکہ مچھ میں دہشت گردوں کے حملے کی جتنی مذمت کی جائے کم ہے،ہم حملے میں پولیس اہلکار سمیت شہید ہونے والے شہریوں کے لواحقین کے ساتھ یکجہتی کا اظہار کرتے ہیں۔
منگل کو ’’ایکس ‘‘پر جاری بیان میں انہوں نے کہا کہ حملے میں زخمی ہونے والے اہلکاروں اور شہریوں کی جلد صحتیابی کیلئے دعا گو ہیں۔ حملہ ناکام بنانے اور دو دہشتگردوں کو مار گرانے پر ہم پولیس اور سکیورٹی اہلکاروں کے شکرگزار ہیں، ہمیں اپنی پولیس اور افواج پر مکمل اعتماد ہے۔ انہوں نے کہا کہ ملک کے دشمنوں کے عزائم خاک میں ملانے پر قوم کو آپ پر فخر ہے۔حملے میں ملوث کالعدم دہشتگرد تنظیموں اور دہشت گردوں کو کڑی سزا دی جائے۔ کسی کو بھی ملک میں امن و امان کی صورتحال پیدا کرے کی اجازت نہیں دی جائے۔