راولپنڈی۔31جنوری (اے پی پی):اینٹی نارکوٹکس فورس نے منشیات سمگلنگ کے خلاف جاری کریک ڈاؤن کے دوران 9 کارروائیوں میں 24 کلو گرام منشیات برآمدکرکے10 ملزمان کوگرفتارکر لیا۔اے این ایف ہیڈکوارٹر راولپنڈی سے جاری بیان کے مطابق اسلام آباد ایئرپورٹ سے بحرین جانے والے مسافر سے 2 کلو گرام آئس برآمدکی گئی۔
باچا خان ایئرپورٹ پر بحرین جانے والے مسافر سے 774 گرام ہیروئن برآمدکی گئی۔ملتان ایئرپورٹ سے قطر جانے والے مسافر سے 700 گرام آئس برآمدکی گئی ۔اسلام آباد ایئرپورٹ سے شارجہ جانے والے مسافر سے 684 گرام چرس برآمدکی گئی ۔راولپنڈی میں واقع کوریئر آفس میں برطانیہ سے بھیجے گئے پارسل سے 460 گرام ویڈ برآمدکی گئی جبکہ ملزم کو گرفتارکیا گیا ۔سہراب گوٹھ کراچی کے مسافر سے 10 کلو گرام چرس برآمدکی گئی۔چمکنی پشاور کے قریب ملزم سے 5 کلوگرام چرس برآمدکی گئی۔ پشاور کے قریب ملزم سے 4 کلو گرام چرس برآمدکی گئی۔لاہور میں تین ملزمان سے 1 کلوگرام افیون اور 526 گرام چرس برآمدکی گئی ۔ترجمان اے این ایف نے بتایا کہ گرفتار ملزمان کے خلاف انسدادِمنشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔