اسلام آباد۔10فروری (اے پی پی):چیئرمین سینیٹ محمد صادق سنجرانی نے چینی نئے سال کے موقع پر چین کے عوام، حکومت اور صدر کو مبارکباد دی ہے۔چیئرمین سینیٹ نے چینی ڈریگون تہوار کی خوشیاں منانے والی چینی قوم کی خوشحالی، خوشی اور مسلسل کامیابیوں کے لیے نیک تمنائوں کا اظہار کیا۔انہوں نے پاکستان اور چین کے درمیان مضبوط دوطرفہ تعلقات کا اعتراف کرتے ہوئے پائیدار دوستی اور تعاون کی تعریف کی جس نے دونوں ممالک کے درمیان گزشتہ برسوں کے دوران تعلقات کو مضبوط کیا ہوا ہے۔