کراچی۔ 17 فروری (اے پی پی):گورنر سندھ کامران خان ٹیسوری کا گورنر ہائوس کی آئی ٹی مارکی کا دورہ ،آئی ٹی کلاسز لینے والے طالب علموں کی جانب سے گورنر سندھ کا پرتپاک استقبال کیا گیا۔جاری اعلامیہ کے مطابق گورنر سندھ نے پڑھائے جانے والے کورسز کی تفصیلات سے آگاہی حاصل کی۔ انہوں نے طالب علموں کو تلقین کرتے ہوئے کہا کہ دل لگا کر پڑھیں تاکہ آئی ٹی کے میدان میں کامیاب پروفیشنلز بن سکیں،ان کورسز کا مقصد آپ کا مستقبل بہتر اور روشن بنانا ہے۔
گورنر سندھ نے کہا کہ ہر کلاس میں طالبات کی یکساں تعداد نہایت خوش آئند ہے۔گورنرسندھ کا آئی ٹی مارکی کے دورے کے موقع پر طلباءنے کہا کہ آپ کا یہ احسان ہم زندگی بھر یاد رکھیں گے،عوامی گورنر کا لقب آپ پر جچتا ہے، کیونکہ آپ عوام کےلئے سوچتے ہیں۔ گورنر ہائوس کو منی یونیورسٹی بنانا آپ کا عظیم کارنامہ ہے، آئی ٹی کلاسز میں موجود طالبات نے کہا کہ ہمارے والدین بھی آپ کے لئے دعا گو ہیں۔