لاہور۔18فروری (اے پی پی):نگران وزیراعلی پنجاب محسن نقوی کی زیر صدارت وزیراعلی آفس میں صوبائی کابینہ کا 41واں اجلاس منعقد ہوا۔صوبائی کابینہ نے پنجاب ہائی وے پٹرولنگ پولیس رولزمیں ترمیم کی منظوری دی۔اجلاس میں نگران صوبائی کابینہ کے 39ویں اجلاس کے فیصلوں کی توثیق کی گئی۔
صوبائی کابینہ کے اجلاس میں صوبے میں امن و امان کی صورتحال کا جائزہ لیا۔انسپکٹر جنرل پولیس ڈاکٹر عثمان انور نے امن عامہ کی صورتحال کے بارے میں بریفنگ دی۔وزیر اعلی نے عوام کے جان و مال کے تحفظ کیلئے تمام ضروری اقدمات کی ہدایت کی۔ انہوں نے کہا کہ صوبے میں قانون کی عملداری پر کوئی سمجھوتہ نہیں ہوگا۔اجلاس میں پی ایس ایل 9 کے سکیورٹی پلان کا بھی جائزہ لیا گیا۔ انہوں نے پی ایس ایل 9 کے سیکورٹی پلان کے ایس او پیز پر 100 فیصد عملدرآمد کی ہدایت کی۔صوبائی وزرا، مشیران، چیف سیکرٹری،ایڈووکیٹ جنرل پنجاب، انسپکٹر جنرل پولیس، چیئرمین پلاننگ اینڈ ڈویلپمنٹ بورڈ، سینئر ممبر بورڈ آف ریونیو اور متعلقہ محکموں کے سیکرٹریز نے اجلاس میں شرکت کی۔