اسلام آباد۔18فروری (اے پی پی):الیکشن کمیشن آف پاکستان نے عام انتخابات 2024ء میں بلوچستان اسمبلی کے کامیاب ہونے والے امیدواروں کی کامیابی کا نوٹیفکیشن جاری کردیا ہے۔
اتوار کو جاری کئے گئے نوٹیفکیشن کے مطابق فضل قادر، نور اللہ، سردار عبدالرحمان کھیتران، نوابزداہ طارق مگسی، سردار ثناء اللہ زہری، عبدالمالک، نواب محمد اسلم خان رئیسانی، سردار سرفراز چاکر ڈومکی سمیت دیگر امیدواروں کی کامیابی کا نوٹیفکیشن جاری کردیا ہے۔ نوٹیفکیشن میں کہا گیا ہے کہ آزاد امیدوار اس نوٹیفکیشن کے اجراء کے بعد تین دن کے اندر اندر کسی بھی سیاسی جماعت میں شامل ہوسکتے ہیں۔