اسلام آباد۔20فروری (اے پی پی):نگران وفاقی وزیر اطلاعات، نشریات و پارلیمانی امور مرتضیٰ سولنگی نے منگل کو پارلیمنٹ ہائوس میں سینیٹ کی قائمہ کمیٹی برائے کابینہ سیکریٹریٹ کے اجلاس میں شرکت کی۔ اجلاس کی صدارت کمیٹی کی چیئرپرسن سینیٹر سعدیہ عباسی کر رہی تھیں۔ اجلاس میں اسلام آباد کلب میں انتظامی اصلاحات کے حوالے سے بریفنگ دی گئی۔اس موقع پر وفاقی وزیر اطلاعات نے سوال کیا کہ کیا اشرافیہ کے علاوہ آج کا حبیب جالب، آرٹسٹ، فنکار اسلام آباد کلب کی ممبر شپ لے سکتا ہے؟ اجلاس میں اسلام آباد کلب میں انتظامی اصلاحات کے حوالے سے بریفنگ کے علاوہ دیگر امور بھی زیر بحث آئے۔