اسلام آباد۔2مئی (اے پی پی):صدر مملکت آصف علی زرداری نے شیخ طہنون بن محمد النہیان کے انتقال پر اظہار افسوس کرتے ہوئے کہا ہے کہ حکمران کے نمائندے شیخ طہنون بن محمد النہیان کے انتقال کی خبر سن کر بہت دکھ ہوا۔
جمعرات کو صدر مملکت آصف علی زرداری نے اپنے ٹویٹ میں کہا کہ متحدہ عرب امارات کی قیادت سے شیخ طہنون بن محمد النہیان کی وفات پر تعزیت کا اظہار کرتا ہوں، شیخ طہنون متحدہ عرب امارات کی میراث کی تشکیل کے اہم کردار تھے۔ انہوں نے کہا کہ اللہ تعالیٰ ان کی روح کو سکون عطا فرمائے، آمین۔