وزیر داخلہ محسن نقوی نے گزشتہ روز لندن میں پاسپورٹ اور نادرا سینٹرز کا دورہ کیا۔
محسن نقوی نے اوورسیز پاکستانیوں کو پاسپورٹ اجرا میں تاخیر کا نوٹس لیتے ہوئے ارجنٹ پاسپورٹ 7 روز میں جاری کرنے کا حکم دیا اور کہا کہ نارمل پاسپورٹ دیار غیر میں رہنے والے پاکستانیوں کو 30 روز میں جاری ہو گا۔
اے ایس پی شہر بانو وزیر داخلہ محسن نقوی کی پی ایس او تعینات
محسن نقوی نے کہا کہ اس پالیسی کا اطلاق دنیا بھرمیں موجود تمام پاکستانی مشنز پر ہو گا، پاسپورٹ میں تاخیر کسی صورت برداشت نہیں، مقرر مدت کے اندر پاسپورٹ جاری نہ ہوا تو متعلقہ افسران کے خلاف ایکشن لوں گا۔
اس سے قبل اوور سیز پاکستانیوں کو نارمل پاسپورٹ 4 ماہ اور ارجنٹ پاسپورٹ ڈیڑھ ماہ میں مل رہا تھا۔
علاوہ ازیں وزیر داخلہ نے پاسپورٹ کی مقررہ مدت میں فراہمی یقینی بنانے کیلئے مانیٹرنگ سیل قائم کر دیا، وزیر داخلہ کی کی پی ایس او اے ایس پی شہربانو مانیٹرنگ سیل کو ہیڈ کریں گی۔
وزیر داخلہ اور سری لنکن ہائی کمشنر کی ملاقات، پاکستانی قیدیوں کی واپسی پر اتفاق
اعلامیہ کے مطابق اوور سیز پاکستانی مقرر مدت میں پاسپورٹ نہ ملنے پر بذریعہ ای میل شکایت کرسکتے ہیں، علاوہ ازیں محسن نقوی نے پاسپورٹ اور نادرا عملے کی کمی کا بھی نوٹس لیتے ہوئے عملے کی کمی پوری کرنے کے لیے مؤثر اسٹاف منیجمنٹ کا حکم دیا۔