اٹلی نے یوم جمہوریہ کی 78 ویں سالگرہ منائی۔
یوم جمہوریہ کے موقع پر، صدر سرجیو میٹاریلا نے اتوار کو روم میں روایتی چادر چڑھائی۔چیمبر اور سینیٹ کے صدورسمیت وزیر اعظم جارجیا میلونی نے بھی اس تقریب میں شرکت کی۔
پاکستان میں بھی اٹلی کے یوم جمہوریہ کی 78 ویں سالگرہ منائی گئی، وفاقی وزیر برائے ہاؤسنگ ریاض حسین پیرزادہ، سینیٹر شیری رحمان، اٹلی کی سفیر محترمہ ماریلینا ارمیلن اور مسٹر ڈومینیکو پولونی نے مشترکہ طور پر اٹلی کے قومی دن کی تقریبات کا کیک کاٹا۔
اسلام آباد میں منعقد ہونے والی اس تقریب میں زندگی کے مختلف شعبوں سے تعلق رکھنے والے مہمانوں کی بڑی تعداد نے شرکت کی، جس میں اٹلی اور پاکستان کے درمیان مضبوط سفارتی تعلقات کو اجاگر کیا گیا۔