لاہور کی انسداد دہشت گردی عدالت نے پاکستان تحریک انصاف (پی ٹی آئی) کے بانی چیئرمین عمران خان کی عبوری ضمانتوں پر فیصلہ سنا دیا ہے۔
منگل کو انسداد دہشت گردی عدالت نے عمران خان کی تینوں مقدمات میں ضمانتیں مسترد کر دیں۔انسداد دہشت گردی عدالت کے جج خالد ارشد نے محفوظ فیصلہ سنایا۔عمران خان کے خلاف کور کمانڈر ہاؤس، عسکری ٹاور حملہ اور تھانہ شادمان میں جلاؤ گھیراؤ سے متعلق مقدمات درج ہیں۔انسداد دہشت گردی عدالت میں ان مقدمات میں عمران خان کی عبوری ضمانتوں کا معاملہ زیرسماعت تھا۔عدالت نے چھ جولائی کو دلائل سننے کے بعد اس کیس کا فیصلہ محفوظ کیا تھا۔