نیب نے تحریک انصاف (پی ٹی آئی ) کے سابق چیئرمین عمران خان اور ان کی اہلیہ بشری بی بی کی نئے توشہ خانہ ریفرنس میں گرفتاری ڈال دی۔
ذرائع کے مطابق ڈپٹی ڈائریکٹر محسن ہارون کی سربراہی میں نیب ٹیم نے نیب توشہ خانہ انکوائری میں بانی چیئرمین پی ٹی آئی اور بشری بی بی کی گرفتاری ڈال دی گئی ہے ۔ قومی احتساب بیورو (نیب) نے بانی پی ٹی آئی اور بشریٰ بی بی کو گرفتار کرلیا ہے ۔
ذرائع نے بتایا کہ نیب نے نئے توشہ خانہ ریفرنس میں بانی پی ٹی آئی اور بشریٰ بی بی کی گرفتاری ڈالی گئی ہے۔
سولر پینلز، بیٹریوں اور انورٹر کی قیمتوں میں بڑی کمی
قبل ازیں ڈپٹی ڈائریکٹر محسن ہارون کی سربراہی میں نیب ٹیم اڈیالہ جیل پہنچی تھی، نیب انکوائری رپورٹ کے مطابق کیس 10 قیمتی تحائف خلاف قانون پاس رکھنے اور بیچنے سے متعلق ہے، گراف واچ ، رولیکس گھڑیاں،ہیرے اور سونے کے سیٹ کیس کا حصہ بنایا گیا ہے۔
رپورٹ کے مطابق تحفے قانون کے مطابق اپنی ملکیت میں لئے بغیر ہی بیچے جاتے رہے، گراف واچ کا قیمتی سیٹ بھی “ریٹین” کئے بغیر ہی بیچ دیا گیا، پرائیویٹ تخمینہ ساز کی ملی بھگت سے گراف واچ کے خریدار کو فائدہ پہنچایا گیا۔
نیب کی انکوائری رپورٹ کے مطابق تخمینہ ساز کا توشہ خانہ سے ای میل آنے سے پہلے ہی گھڑی کی قیمت 3 کروڑ کم لگانا ملی بھگت کا ثبوت ہے، گراف واچ کی قیمت 10 کروڑ9لاکھ20 ہزار روپے لگائی گئی۔
20فیصد رقم ،2 کروڑ ایک لاکھ 78 ہزار روپے سرکاری خزانے کو دیئے گئے، ہر تحفے کو پہلے رپورٹ کرنا اور توشہ خانہ میں جمع کروانا لازم ہے، صرف 30 ہزار روپے تک کی مالیت کے تحائف مفت اپنے پاس رکھے جا سکتے ہیں۔
اس سے قبل سیشن عدالت نے نکاح کیس میں بانی پی ٹی آئی اور ان کی اہلیہ کو باعزت بری کرتے ہوئے رہا کرنے کا حکم دیا۔
خیال رہے کہ بانی پی ٹی آئی کی جانب سے نئے نیب ریفرنس میں ضمانت کی درخواست دائرکی گئی جس پر عدالت نے نیب کو 15 جولائی کیلئے نوٹس جاری کیا ہے ۔
عمران خان فوری رہا ہونگے یا نہیں ؟ نئی بحث چھڑ گئی
واضح رہے کہ توشہ خانہ کیس میں نیب نے عمران خان اور ان کی اہلیہ بشری بی بی کے خلاف نئی تحقیقات شروع کی تھی، ان پر قیمتی تحائف غیر قانونی طور پر فروخت کرنے کا الزام تھا۔
نیب نے دونوں کو نئی انکوائری میں طلب بھی کیا تھا اور 16 اپریل کو نیب راولپنڈی آفس بلایا گیا تھا۔ نیب نے بتایا ہے کہ کیس دو حصوں میں تقسیم کیا گیا ہے، عمران خان کیخلاف تحائف غیر قانونی فروخت کرنے کا الگ سے کیس بنایا گیا ہے۔