غزہ پر اسرائیلی جارحیت کے 11 ماہ مکمل ، قابض فوج کے حملوں میں مزید 31 فلسطینی شہید اور درجنوں زخمی ہو گئے۔
جبالیہ کیمپ پر اسرائیلی فوج کی بمباری کے نتیجے میں غزہ سول ڈیفنس کے ڈپٹی ڈائریکٹر خاندان سمیت شہید ہوئے ، شہید فلسطینیوں کی تعداد 40 ہزار 939 سے زائد ہو گئی۔
غزہ میں بمباری سے 41 فلسطینی شہید ، سرنگ سے 6 اسرائیلی یرغمالیوں کی لاشیں برآمد
دوسری جانب تل ابیب میں یرغمالیوں کی فوری رہائی کیلئے اسرائیلی حکومت کیخلاف مظاہرے ہوئے ، خبر ایجنسی کے مطابق ساڑھے 7 لاکھ سے زائد اسرائیلی تل ابیب کی سڑکوں پر نکلے۔
ادھر اردن اور مغربی کنارے کے درمیان ایلنبی پل کراسنگ پر ایک ٹرک ڈرائیور نے فائرنگ کرکے 3 اسرائیلیوں کو ہلاک کر دیا۔ ٹرمینل پر موجود سکیورٹی اہلکاروں کی جوابی فائرنگ میں حملہ آور شہید ہو گیا۔